ЯҢАЛЫКЛАР

“Россия почтасы”ның  Олы Әтнә почтасы операторы вазыйфасын башкаручы, үз эшен яхшы белгән, халыкка ихтирамлы, өлгерлектә тиңнәр булмаган, тыйнак, сөйкемле Венера Низамиеваны  шул сыйфатларга ия булганы өчен яратабыз.Казанда “Россия почтасы” идарәсендә Төбәкара узган бәйгедә катнашып, “Иң яхшы элемтә операторы-2013” бәйгесендә, Казан, Кама Тамагы белгеченнән аз гына алышып, III урын яулавына да ихлас сөендек. Зур җиңү бу!  Иң-иңнәр катнашкан 20 белгеч арасында үзен күрсәтә алган икән, димәк чынлап та оста!

Әтнә районының “Шахтер” һәм СХПК “Таң” базасында район муниципаль башлыклары сөт җитештерүдәге тәҗрибә белән таныштылар. Очрашу ТР Премьер-министр урынбасары – ТР авыл хуҗалыгы һәм азык-төлек министры Марат Әхмәтов җитәкчелегендә узды.

Елдан-ел популярлаша барган "Созвездие-Йолдызлык" фестиваленең зона турыннан Әтнәнең талантлы балалары лаеклы җиңүләр белән кайтты.

Габдулла Тукай исемендәге Әтнә дәүләт драма театры бинасында “Созвездие-Йолдызлык” фестиваленең гала концерты булып узды.

Муниципаль хезмәткәрләр арасында барган спартакиада хакында: чаңгы ярышында шәхси беренчелектә Ринас Сафин 84 кеше арасыннан өченче урынны яулады.

Әтнәдә Дәүләт Думасы депутаты Фатих Сибгатуллин Тукай исемендәге Әтнә авыл хуҗалыгы студентлары белән очрашты. Җанлы әңгәмә барышында Фатих Сәүбән улы техникум яшьләрен киләчәктә Казан аграр университеты студентлары итеп күрәсе килү теләген җиткерде.

ӘХЛ тәмамлануга күп вакыт та узмады, районның әйдәп баручы хоккей командалары кабат очраштылар. Бу юлы район башлыгы призына Әтнә бозында барысы 6 – ӘХЛның гамәлдәге чемпионы Күәм, шулай ук Бәрәскә, Шашы, Мәңгәр, Әтнә техникумы һәм Әтнә командалары кәшәкә суктылар. Башта ике төркемгә бүленеп, көчле ике команда – ярымфиналда, аларда җиңүчеләр финалда көч сынашты.

Район советы сессиясендә Татарстан хөкүмәте җитәкчесе урынбасары Әсгать Әхмәт улы Сәфәров катнашты. Сессиядә көн тәртибе буенча бер мәсьәлә - Әтнә районының 2012 елда социаль-икътисади үсеш нәтиҗәләре һәм 2013 елга бурычлар каралды.

“Һәр кеше мөһим. Һәрберсен игътибар белән карарга кирәк..”, – диде ТР сәламәтлек саклау министрлыгының Казан шәһәре буенча сәламәтлек саклау идарәсенең җитәкчесе Рамил Уел улы Әхмәтов район үзәк больницасының узган еллык эшенә нәтиҗә ясаганда.