ЯҢАЛЫКЛАР

Әтнә дәүләт драма театры 25-26 гыйнвар көннәрендә Зөлфәт Хәкимнең "Язын бозлар акканда" музыкаль комедиясен сәхнәгә куйды.

Әтнә хоккей лигасы (ӘХЛ) старт алды. ӘХЛ кубогы өчен быел Әтнә, Бәрәскә, Шашы, Мәңгәр, Күңгәр, Күәм командалары көрәшә.

Әтнәнең үзәк мәчетендә ислам дине нигезләре, намаз уку тәртипләрен белү буенча балалар арасында бәйге булып узды.

Елдагыча, легендар көрәшче Бәрәзә Хафиз исемендәге көрәш турниры узды.

Габдулла Тукай исемендәге Әтнә дәүләт драма театры балалар өчен, Яңа ел бәйрәменә багышлап, яңа спектакль әзерләде. Илгиз Зәйниев әсәре буенча куелган “Урман club" тамашасы балаларга да, өлкәннәргә дә бик ошады.

Әтнәлеләр елны хоккей турнирыннан башлады. Күркәм гадәт буенча, инде алтынчы ел Күәм урта мәктәбе бозында Реваль Низамов һәм Илгизәр Зарипов истәлегенә багышланган хоккей ярышлары булып узды. Турнир елдан ел үзенең географиясен киңәйтә бара, биредә Әтнә командаларын гына түгел, ә күрше районнардан килгән хоккей яратучыларны да күрергә, матур уеннарны карап хозурланырга мөмкин иде. Турнирның шулай озын гомерле булуын даими иганәчеләре - җирле эшмәкәр Р.Хәбибуллин һәм "Тукай" хуҗалыгының уртак тырышлыгы белән аңлатып буладыр. Ветераннар арасында хәлиткеч көрәштә кубокны боз хуҗалары - Күәм командасы яулады. Ә яшь хоккейчылар арасында Әтнә командасына тиңнәр булмады.

Олы Әтнәдә Яңа ел тамашасы һәркемнең күңеленә хуш килде. Җыр-бию, маскалар, уеннар белән үрелеп барган бәйрәм салют белән төгәлләнде

Рәшит Нәҗметдиновның 100 еллык юбилее уңаенннан Татарстан Республикасының башкаласында 20-23 декабрь көннәрендә  зур ярыш – шахмат буенча беренче команда чемпионаты үткәрелде.

Боз шәһәрчеген чыннан да әкият иленә әйләндереп, бәйрәм ялларында Олы Әтнәдән генә түгел, авыллардан да килгән бала-чага рәхәтләнеп уйный алсын, Яңа елны каршылаган мизгелләр ел буена җитәрлек истәлекләргә бай булсын  дип тырышалар