«Белем бирү мөнәсәбәтләрендә катнашучыларга психологик-педагогик ярдәм күрсәтү»
«Росток» психологик-педагогик тернәкләндерү һәм коррекцияләү үзәгендә «Белем бирү мөнәсәбәтләрендә катнашучыларга психологик-педагогик ярдәм күрсәтү»темасына практик юнәлештәге семинар узды. Әлеге семинарда тәрбия эшләре буенча директор урынбасарлары, тәрбия эше буенча директор киңәшчеләре катнаштылар. Бүген балалар һәм яшүсмерләргә янаган куркыныч вакыйгаларны вакытында ачыклау, үз-үзеңне тоту тәртибенең куркыныч формаларын булдырмау, белем бирү мөнәсәбәтләрендә катнашучыларның иминлеген тәэмин итү бик мөһим. «Белем бирү мөнәсәбәтләрендә катнашучыларга психологик-педагогик ярдәм күрсәтүне оештыру», «Белем бирү мохитенең социаль-психологик тестлаштыру һәм куркынычсызлыгын мониторинглау нәтиҗәләре буенча» төрле зонадагы» укучылар белән эшләүнең индивидуаль маршрутын эшләү", "Мәктәпләрдә укучыларның бер-берсен эзәрлекләүне булдырмау. Әти-әниләр белән эшләү» темаларына чыгышлар тыңладылар. Семинарның икенче өлеше практик өлештән (фильмның фрагментларын тикшерү һәм ситуацион мәсьәләләрне чишү) торды.