3 сентябрь-террорчылыкка каршы көрәштә теләктәшлек көне
Ел саен 3 сентябрьдә Россиядә Террорчылыкка каршы көрәштә теләктәшлек көне билгеләп үтелә. Ул 2004 елның 1-3 сентябрендә Беслан шәһәрендә (Төньяк Осетия) булган фаҗигале вакыйгаларга багышланган, Ул вакытта моңарчы күрелмәгән рәхимсез террорчылык акты нәтиҗәсендә 300 дән артык кеше, нигездә хатын-кызлар һәм балалар һәлак булган. 3 сентябрьдә бөтен ил террорчылар кулыннан Беслан, Мәскәү, Санкт-Петербург, Буденновск, Махачкала, Буйнакск, Первомайск, Волгоград, Волгодонск һәм Россиянең торак пунктларында һәлак булган ватандашларыбызны искә ала.
Террорчылык заманның иң куркыныч глобаль проблемаларының берсенә һәм бөтен дөнья җәмәгатьчелегенең куркынычсызлыгына җитди куркыныч янауга әверелде. Һәм террорчылыкка каршы көрәштә теләктәшлек көне бердәм максат өчен дәүләт һәм җәмгыятьнең бердәмлеген символлаштыра.
Террорчылыкка каршы көрәштә җәмгыятьнең төрле катламнарын берләштерү максатларында 3 сентябрьдә Дәүләт хакимияте, җирле үзидарә органнары һәм иҗтимагый берләшмәләр бөтен Россия буенча террорчылык һөҗүмнәре корбаннары, шулай ук хезмәт бурычын үтәгәндә һәлак булган махсус хезмәтләр һәм хокук саклау органнары хезмәткәрләре истәлегенә багышланган иҗтимагый-сәяси, мәдәни һәм спорт чаралары үткәрә.