“Күпме яу, сугышлар аркылы, Син җиңеп чыккансың, Ватаным!” район укуларына нәтиҗә ясалды
Әтнә "Мәгариф бүлеге" оешмасы һәм Бөтенроссия мәгариф профсоюзының Әтнә территориаль оешмасы игълан иткән, “Күпме яу, сугышлар аркылы, Син җиңеп чыккансың, Ватаным!” район укуларына нәтиҗә ясалды! Әтнә мәктәбе актлар залында узган бу чарага, илебез тарихында төрле чорларда Ватан өчен көрәшкә күтәрелгән ватандашларыбыз батырлыгына битараф булмаган, аларны данлаучы педагоглар, профсоюз әгьзалары җыелды. Бөек Ватан сугышы, сугыш чоры вакыйгалары, фронтовиклар, тылдагы тормышны тасвирлаган язмалары белән ветеран укытучыларыбызның да катнашуы, әлеге чараны ямьләп килүе, күңелгә шатлык өстәде. Укуларга барлыгы 70 кә якын эш килде! Язмаларда ил язмышы, гади авыл кешеләренең җиңүгә керткән бәяләп бетермәслек өлеше! Чара җылы, җанлы аралашу рәвешендә үтте, җиңүчеләргә истәлекле бүләкләр, дипломнар тапшырылды.