“Әтнә сандугачы” бәйгесенең гала концерты

2024 елның 26 гыйнвары, җомга

25 нче гыйнвар көнне районыбызда шаулап-гөрләп  “Әтнә сандугачы” бәйгесенең гала концерты булып узды. Бу бәйге җырга, моңга сәләтле балаларны, яшьләрне һәм урта буын вәкилләрен барлау, ачыклау йөзеннән, аларга иҗади яктан ачылу өчен шартлар тудыру максатыннан оештырылды. Бәйге 2 турда узды, барлыгы 120 конкурсант катнашты һәм шуларның иң талантлылары гына финалга чыкты. Бәйге 5 яшьтән 50 яшькә кадәрге моң сөючеләрне үзенә җыйды. Бәйгегә элеккеге елларда нәтиҗәле чыгыш ясап югары дәрәҗәләргә ирешкән “Әтнә сандугачлары” да һәм шулай ук районыбыздан чыккан үзебезнең сәхнә йолдызларыбыз да кайтты һәм чыгыш ясадылар.