Район башлыгының Яңа ел котлавы

2022 елның 30 декабре, җомга

Кадерле райондашлар һәм Әтнәбез кунаклары!

Сезне ихлас күңелдән Яңа 2023 ел белән котлыйм! Яңа ел һәрберебезне бетмәс-төкәнмәс бәхет-шатлык, корычтай нык сәламәтлек, имин, аяз күк йөзе белән сөендерсен! Яңа ел яңа куанычлар алып килсен!

Узган 2022 ел истә калырлык күркәм уңышлары белән шатландырды. Районыбызның барлык казанышлары – уртак тырышлыгыбыз нәтиҗәсе. Ә аларга күз салсак, куанырлык уңышларыбыз күп. Аллаһка шөкер, тормышыбыз яңадан-яңа җиңүләр аша алга бара. Яңа елда бу уңышларны ныгытып, яңаларын яуларга язсын иде!

Яңа 2023 ел һәр йортка бары тик иминлек, гаиләләргә тынычлык, муллык һәм бәхет алып килсен. Бәйрәмебез мөбарәк, ризык тулы өстәлләребез түгәрәк булсын!