Әтнә студентлары салым инспекциясе начальнигы белән очраштылар

Очрашуда катнашкан техникум студентлары биредә бик күп яңалык белделәр. Соңыннан яңгыраган сорауларга караганда, аеруча 13 процент салымны кайтаруга кагылышлысы белән кызыксынучылар бик күп иде. Тормыш агымы белән бергә, салым өлкәсе дә гаять зур үзгәрешләр кичерә. Хәтта аларны аерым җыентык итеп бастырып чыгарырга да өлгермиләр. Шуңа күрә салым инспекциясе начальнигының килүе бик урынлы булды.