Габдулла Тукай исемендәге Әтнә дәүләт драма театры үзенең яңа – дәүләт статусында икенче сезонын Хәй Вахитнең “Җырым табар сине” мюзикле белән ачып җибәрде.

Габдулла Тукай исемендәге Әтнә дәүләт драма театры үзенең яңа – дәүләт статусында икенче сезонын Хәй Вахитнең “Җырым табар сине” мюзикле белән ачып җибәрде.
Мюзикл 13-14 октябрь көннәрендә районыбызның театр сәнгатен үз итүчеләр хозурына тәкъдим ителде. Мюзиклнең яңартылган үзгәрешләрен дә тамашачы җылы кабул итте. Газетабызда хәбәр иткәнчә, “Җырым табар сине” спектаклен дә театрга яңа кайткан яшь артистлар – егет-кызлар уйнады. Төп рольләрдә уйнаган Шәүкәт (Нияз Заһидуллин – Казан егете) белән Сәриянең (Алсу Хәсәнова – Тукай районы кызы) уйнаулары да тамашачының алкышларына күмелде. Һәрвакыттагыча барысы да шәп булды. Соңыннан басып алкышлаулар, артистларны чәчәк бәйләмнәренә күмү дә моның бер дәлиле иде.