Әтнә районы укытучысы Равил Садриев 10 номинант арасында

31 августка кадәр һәр кеше номинантларның берсе өчен www.magarif-uku.ru сайтында тавыш бирә ала. Әлеге конкурсантлар арасында безнең “Әтнә таңы”  газетасының актив хәбәрчесе, Күәм урта мәктәбенең тарих һәм җәмгыять белеме укытучысы  Равил Мөхтәр улы Садриев та бар. Равил бәйгегә ”Укытучы башы тулы уйлар, аның үзен кем соң уйлар” дип исемләнгән мәкаләсе белән катнаша.

Хөрмәтле газета укучыларыбыз! Республика күләмендәге бәйгенең икенче турына узган бердәнбер ир-ат укытучыны, якташыбызны күтәрик! 10 хатын-кыз арасында бердәнбер ир-ат калган һәм ул безнең, сезнең ярдәм белән “беренче” дә була алачак.