«ВСЕ СВОИ» патриотик марафон
Әтнә районы Олы Әтнә авылының «Туган ягым» паркында бүген контракт хезмәте темасына киң җәмәгатьчелек игътибарын җәлеп итүгә юнәлдерелгән «ВСЕ СВОИ» марафоны – ачык патриотик чара уза.
Чарада муниципаль район башкарма комитеты җитәкчесе, хәрби комиссариат вәкилләре катнаша, алар контракт хезмәтенә керү шартлары, социаль һәм муниципаль ярдәм чаралары турында консультация бирәләр.
Чара очрашу һәм фикер алышу форматында уза. Агитация материаллары – газета һәм буклетлар тарату оештырыла. Марафонда катнашучылар патриотик эчтәлектәге китап күргәзмәсе белән таныша алачак һәм китаплардан өзекләрне кычкырып укый алачак. Шулай ук яшүсмерләр өчен автоматны сүтеп җыю мөмкинлеге каралган, ГТО нормаларын тапшыру өчен элементлар белән мәйданчыклар бар.