Кемнәр алар – Әтнәнең футбол чемпионнары?

Хәзерге заманда яшьләрне көннәр буе “трай” тибеп йөрүдз гаепләүчеләр бар. Ә менә Әтнә яшьләренә әлеге сүзләрне берәү дә әйтә алмас, мөгаен. Чөнки быел районда җәй буе “трай” түгел, ә туп типтеләр! 9 команда катнашында башланып киткән футбол буенча Әтнә чемпионаты җанатарларны иң кискен уеннар, истә калырлык голлар белән үзенә җәлеп итте. Һәм менә плей-оффның соңгы уеннары – “Әтнә” командасы – чемпион! “Көмеш медаль”ләр хуҗалары – “Затлы” командасы, 3-4 урыннарны Күәм һәм Бәрәскә командалары бүлеште. Шунысын да әйтү урынлы булыр, Әтнәнең спорт сөючеләре әлеге чемпионатка иганәчелек иткән Ленин ис., “Таң”, “Тукай”, “Шахтер” хуҗалыкларына, шәхси эшмәкәр Рәшит Абдуллаҗановка рәхмәтле.