Кала тауда – Әләшә бәйрәме

2013 елның 7 июне, җомга
Бүген 7 июнь көнне Әтнә төбәгенең тарихи Кала тавында Әләшә бәйрәме узды. Әлеге бәйрәм үзенең тамырлары белән борынгы тарихыбызга барып тоташа. Җәй башында - сыерчык бала очырган атнаның җомгасында бөтен төбәк халкы бирегә зур җыенга җыела торган булган. Әби-бабаларыбыз мул уңыш, имин тормыш теләп дога кылганнар. Бүгенге көндә Әләшә бәйрәменең елдан-ел күбрәк халыкны үзенә җыюы, район, төбәк массштабларыннан чыгып, республикакүләм төс ала баруын күрү аеруча куанычлы. Быел да бәйрәмгә кунаклар кайткан иде.  Җыелган халык Бәрәскә, Күңгәр авылы балаларының моңлы итеп дога укуларын, имамнарның җанга үтәрдәй вәгазьләрен тыңлап кинәнде. Укылган вәгазьәр, азан, догалар Әләшәгә килүчеләрнең күңеленә илаһи нур булып иңде
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International