Дини лагерь ачыла

Дингә бирелгән, аның белән кызыксынучы балаларны, аларның әти-әниләрен сөендерергә ашыгабыз. Быел да район үзәк мәчетендә дини лагерь эшләячәк. Ул үз эшен 20 июньнән башлап, 7 июльдә төгәлләячәк. “Дин белән кызыксынучы, намаз укыган, намазга басарга теләге булган балаларны ял итәргә, белем тупларга чакырабыз. Яшь чикләнми. Лагерь сәгать 9да эшли башлый, өйлә намазы укыгач, сәгать 2–3ләр тирәсендә үз эшен төгәлли”, – дип хәбәр итә үзәк мәчет имамы Наил Сәгъдиев.