Әтнә муниципаль районының террорчылыкка каршы комиссиясе утырышы
Район администрациясе каршында эшләп килгән террорчылыкка каршы көрәш комиссиясенең чираттагы утырышы узды.
Утырышның көн тәртибендә җиде тәкъдим каралды. 8 сентябрьдә узачак Татарстан Республикасы Дәүләт Советының алтынчы чакырылыш депутатлар сайлауларны һәм дә Республика көнен үткәрүдә террорчылык актларын кисәтү, иҗтимагый иминлекне тәэмин итү турында сөйләшенде.
Шулай ук мәгариф оешмаларында террорчылык һәм экстремистлык идеологиясен профилактикалау эшенең торышы, мәктәп автобусларында балаларны йөрткәндә иминлек чараларынын нәтиҗәлелеге, райондагы дини оешмалар эшчәнлеге һәм дә сентябрь аенда старт аласы "Экстремизмга - юк!" айлыгында башкарыласы эшләр турында сөйләшенде. Террорчылыкка каршы комиссия составына үзгәрешләр кертелде.
Дөрестән дә, уяулык һәрвакыт кирәк. Бу хакта ФСБдан район кураторы Рамил Камиль улы Сабитов та кисәтеп үтте. Бигрәк тә социаль челтәрләрдә яшьләргә куркыныч янаган хәрәкәтләргә басым ясады.
Һәр чараны тыныч, күңелле итеп үткәрергә насыйп булсын инде.