В республике продолжаются осенние сельскохозяйственные ярмарки.

Әтнәләрнең чираттагы ярминкәсе 8 октябрь көнне - бүген уза. Бу көнне 4 күмәк хуҗалыкның һәрберсе 500 литр сөт алып бара. Чират торып иртә белән үк алып бетерәләр. Моннан тыш 3 күмәк хуҗалык “КамАЗ” машиналарыннан бөртеклеләр белән сәүдә итә. Янә 2сендә терлек итләре була.

Авыл җирлекләре өлеше дә саллы. Нәрсә генә юк монда. Тозлаган, киптергән яшелчә-җимеш, төрле вареньелар, тавык йомыркалары, бакчада үскән төрле нигъмәт, май, каз, тавык... сарык итенә кадәр бар!

Кыскасы, авыл яшәсә, шәһәрләр ач булмас. Ә ярминкәләр декабрь аенда да гөрли әле.

Ярминкәнең чагыштырма бәяләренә күз салыгыз.

Кош ите – килосы 115 сум;

Күркә ите – килосы 235 сум;

Сыер, бозау ите – килосы 250-300 сум;

Дуңгыз ите – 230-270;

Сарык ите – 320-380;

Югары категорияле бер дистә йомырка – 55 сум;

Яхшы (отбоная) категорияле бер дистә йомырка – 50 сум;

Беренче категорияле бер дистә йомырка – 45;

Сөт (бүлеп бирелә) – литры 28-30;

Каты төр сыр – килосы 280-300;

Сыер мае – килосы 300;

Шикәр комы – килосы 44;

Югары сорт он – килосы 20 сум;

Карабодай – килосы 49 сум;

Бәрәңге – килосы 10 сум;

Кишер – килосы 12-15 сум;

Ашханә чөгендере – килосы 12-15 сум;

Суган – килосы – 17-18 сум;

Кәбестә – килосы 8-10 сум;

Бодай – килосы 9 сум;

Арпа – килосы 8 сум;

Арыш – килосы 6 сум;

Балык (карп) – килосы 150 сум.