“Таң” күмәк хуҗалыгы да узган 2015 елгы эш нәтиҗәләренә йомгак ясады. “Хисап-сайлау җыелышында районыбыз башлыгы Габделәхәт Гыйлемхан улы Хәкимов катнашты. Җыелыштан соң– эстрадабызның иң яшь артисты, 7 тапкыр “Алтын барс” иясе булган Ләйсән Гыймаеваның, яшьләрдән генә торган төркемдәшләренең концертын карадык, ул безгә бик ошады. Тамашачылар соңыннан хуҗалыгыбыз җитәкчесе Алмаз Сибагатуллинны алкышларга күмделәр”, – дип яза Кышлауда яшәүче өлкән хәбәрчебез Рәйсә Зарипова.