«Дары осени»

Узган шимбәдә  Федераль җәза үтәтү идарәсе тарафыннан республикакүләм үткәрелгән  "Дары осени" ярминкәсендә катнашып, район Эчке эшләр бүлеге инспекторы Клара Кадимова " Великан" номинациясендә икенче урын яулады. Тынгы белмәс Клара анда үз бакчасында үстерелгән яшелчәләр - 1 килограммлы бәрәңге, 5 килограммлы ташкабак, дайкон, чөгендер һәм Күәм авылыннан Батталовлар хуҗалыгында үстерелгән 38 килограмм 600 граммлы кабак белән катнашты. Шушының белән газетабызда барган иң зур кабак бәйгесенә дә йомгак ясалды. Җиңүче Батталовлар гаиләсен пәнҗешәмбе , сәгать10.00 дә,  редакциябездә,  махсус приз тапшыру өчен көтеп калабыз.