Урып-җыю үзенең хәлиткеч фазасына кереп бара
Аерым культураларга килсәк, “Ленин” хуҗалыгы 387 гектарда иккән көзге бодайның һәр гектарыннан 42,2 центнер суктырып алды. “Тукай” исә 210 гектар мәйданда борчак игеп, уртача 23,2 центнер/гектар уңыш алуга иреште. “Ленин” хуҗалыгы әлегә районда иң күп арпа уңышы да суктыра, хәер, бөтен районда бу культураны суктыру дәвам итә. “Ленин”да исә, тиешле мәйданнарның 93 процентын суктырганнан соң, ул 32739 центнер булды, уртача уңыш бер гектардан 45,9 центнер тәшкил итте. Хуҗалык сабан бодаен да урып-җыя башлады: 103 гектардан барысы 3300 центнер бөртекле амбарларга кереп урнашты, һәр гектардан 32 центнер уңыш чыга. Ә менә “Тукай”да солының һәр гектарыннан 32,7 центнер уңыш җыеп алдылар. “Дусым”да 331 гектар мәйдан биләгән арышның һәр гектарыннан 40,5 центнер уңыш җыеп алдылар. Кыскасы, районда барлык тиешле мәйданнарның 66,3 процентында – өчтән икесендә урып-җыю тәмамланды инде.
Район канаты астында көн итүче хуҗалыклар да уракны тиешленең яртысыннан артыгында тәмамладылар. Аларда уртача уңыш, әлегә 25,2 центнер/гектар.
Беренче багана – хуҗалыклар, икенче – урып-җыю башкарылган мәйданнар (процентларда), өченче – уртача уңыш (центер/гектарларда)
Ленин 74,7 37,1
Тукай 61,5 34,9
Дусым 67,3 32,4
Шахтер 57,6 31,8
Күшәр 69,9 31,4
Таң 75 30,1
Фәйзи Галиев исем. 67,1 29,4
Мәңгәр 64,6 28,1
Уңыш 57,8 22,3
Район буенча 66,3 31,7
Кишет 48,8 27
Кызыл Яр 68,8 24,2
Ашыт 51,1 23
Барысы 54,4 25,2